Cibiyar dakile yaduwar cututtuka da kandagarkinsu ta nahiyar Afrika, ta ce adadin wadanda suka mutu sanadiyyar cutar COVID-19 a nahiyar ya kai 313, yayin da na wadanda aka tabbatar sun harbu ya kai 7,741.

Cikin sabon rahoton da ta fitar a yau, cibiyar Afrika CDC, ta ce an samu bullar cutar a kasashen nahiyar 50.

Ta kuma bayyana cewa, kasashen da cutar ta fi kamari sun hada da Afrika ta kudu mai mutane 1505 da suka harbu, sai Algeria mai mutane 986 yayin da Masar ke da mutane 985 da suka harbu.

Cibiyar ta kara da cewa, har ila yau a nahiyar, an sallami mutane 753 bayan sun warke daga cutar. (Fa'iza Mustapha)