Yammacin jiya Alhamis, masana 7 dake aikin yakar COVID-19 daga asibiti na farko karkashin jami'ar kimiyya da fasaha ta kasar Sin, sun yi tattaunawa da takwarorinsu na asibitoci fiye da 70 na kasashen Indiya, da Pakistan, da kuma Poland, kana da Switzerland, da Jamus da Birtaniya, da kuma Rasha ta kan Intanet kan aikin yakar cutar.

Yayin tattaunawar tasu, masanan kasar Sin sun raba fasahohin ba da jiyya ga masu fama da cutar, tare da gabatar da tsari na musamman da jami'ar ta fitar, wadda ta yi amfani da sinadarin magunguna na mAb wato Tocilizumab, da kuma ci gaban da suka samu a wannan fanni. (Amina Xu)