2020-01-08 19:15:26        cri

Ministan harkokin wajen kasar Sin Wang Yi, ya yi kira da a zurfafa alakar dake tsakanin Sin da kasashen Larabawa bisa manya tsare-tsare, a kuma yi amfani da matakai na siyasa wajen warware batutuwan shiyya masu sarkakiya.

Wang ya bayyana haka ne jiya Talata, yayin ganawarsa da babban sakataren kungiyar kasashen Larabawa (AL) Ahmed Aboul Gheit a birnin Alkahiran Masar.

Wang ya kuma jaddada cewa, kasar Sin sahihiyar abokiyar kungiyar kasashen Larabawa ce kuma abin dogaro. (Ibrahim Yaya)