Shugaban kasar Sin Xi Jinping, ya bayyana a yau Talata cewa, kasarsa za ta kara bude kasuwanninta ga baki masu sha'awar zuba jari da kara rage sassan da aka takaita musu zuba jari a baya.

Xi ya bayyana haka ne, a jawabin da ya gabatar yayin bude bikin baje kolin kasa da kasa na kayayyakin da ake shigowa da su cikin kasar Sin karo na biyu a birnin Shanghai. Ya ce, kasar Sin za ta ci gaba da inganta yanayin kasuwanci, ta yadda zai dace da kasuwa bisa doka da ma mataki na kasa da kasa.(Ibrahim)