A farkon wata mai zuwa ne, manzon musamman na shugaban kasar Sin Xi Jinping, Yang Jiechi zai ziyarci kasashen Kenya da Najeriya da Saliyo, bisa gayyatar gwamnatocin kasashen.

Mai magana da yawun ma'aikatar harkokin wajen kasar Sin, Geng Shuang, shi ne ya sanar da hakan yau, yayin taron manema labarai da aka saba gudanarwa.

A yayin ziyarar Yang, wanda har ila mamba ne a hukumar siyasa ta kwamitin koli na JKS, kana darektan ofishin hukumar harkokin wajen ta kwamitin koli na JKS, zai yi musayar ra'ayoyi da jami'an kasashen uku kan yadda za a bunkasa alaka tsakanin kasashen da sauran batutuwan kasa da kasa da na shiyya-shiyya dake shafarsu.(Ibrahim)