Bayan dubun gaisuwa mai tarin yawa tare da fatan alheri da kuma fatan kuna cikin koshin lafiya kamar yadda muke a nan birnin Beijing, babban birnin kasar Sin.

    Muna farin cikin sanar da ku cewa, daga ran 1 ga watan Janairu na shekarar 2013, za mu fara wata gasar rubuce-rubuce mai taken "Ni da sashen Hausa na CRI cikin shekaru 50 da suka gabata" domin murnar cika shekaru 50 da kafa sashen Hausa na gidan rediyon kasar Sin CRI. Kuna iya rubuta dogon bayani ko wani zane da kuka zana dangane da haka ku aiko mana kafin ranar 31 ga watan Maris na shekarar 2013. Kamar yadda muka yi muku alkawari, za mu ba da kyaututtuka masu daraja ga wadanda suka rubuta bayani mai gamsarwa. Kuma za mu gayyaci wanda ya samu nasara ta musamman a gasar domin kawo ziyara a nan kasar Sin tare da halartar bikin murnar kafa sashen Hausa. Muna fatan za ku sami maki mai gamsarwa a cikin wannan gasa.

    Haza Wassalam

                                                                               Daga Sashen Hausa Na Rediyon kasar Sin

                                                                                                           1/1/2013