A yau Lahadi da dare, aka kaddamar da baje kolin lambunan shakatawa na kasa da kasa a nan birnin Beijing, hedkwatar kasar Sin, kuma shugaban kasar Sin Xi Jinping ya halarci bikin tare da gabatar da jawabi.

Baki kimanin 900 ne suka halarci bikin kaddamarwa, ciki har da shugabanni da wakilai daga kasashe 11 da jami'an kungiyoyin duniya da abin ya shafa da sassan da za su baje kolin lambunansu da masu masana'antu da 'yan kasuwa da kwararru a fannin lambunan shakatawa da sauransu. Kafin bikin, shugaba Xi Jinping ya zagaya da shugabanni mahalarta bikin rumfar kasar Sin. (Lubabatu)