A jajibirin ziyarar aiki da shugaban kasar Sin ya kai kasar Italiya, an kaddamar da shirye-shiryen bidiyo mai taken "Bayanan magabata da Xi Jinping yake so" a shafin intanet na harshen Italiyanci a yau Alhamis a kasar ta Italiya, har ma za a iya bude wannan shafi a yankuna masu magana da harshen Italiyanci a duk fadin duniya. A wannan rana, dukkan kafofin talibijin da manhaja da kuma shafukan intanet na rukunin kafafen Mediaset da na Class Editori wadanda suka fi karbuwa a kasar Italiya sun sanya wannan bidiyon. Haka kuma manhaja da shafin intanet da kuma shafin sada zumunta na sashen harshen Italiyanci na CMG sun watsa wannan bidiyo a lokaci daya.

Mr. Shen Haixiong, shugaban babban gidan rediyo da talibijin na kasar Sin wato CMG a takaice, da shugaban rukunin Mediaset sun halarci bikin. (Sanusi Chen)