Gabanin ranar shuka bishiya ta kasar Sin da ake yi ranar 12 ga watan Maris, Daraktan hukumar kula da dazuka na Kasar Sin Zhang Jianlong, ya ce kasar ta samu gagarumin ci gaba a fannin albarkatun dazuka, bisa aiwatar da wasu ayyuka na shuke shuke domin samar da dazuka.

Zhang Jianlong, ya ce Kasar Sin ta kara fadada dazukanta da kusan kaso 10, tun bayan fara aiwatar da manufar bude kofa da gyare-gyare, inda ta zama kasar da ta samar da dazuka mafi girma ta hanyar shuke-shuke da kuma fadada yankunan dazuka da kaso 80.

Mamayar shuke-shuke a yankunan karkara ya kai kaso 20, yayin da na yankunan birane ya kai kaso 37.9.

A cewar Jami'in, a wani bangare na samar da kasar Sin mai kyan gani, kasar ta lashi takobin kara fadada dazuka da kaso 26 ya zuwa shekarar 2035. (Fa'iza Msutapha)