190307-Dr-Sheriff-Ghali-Ibrahim-malamin-jamiar-Abuja-ya-yi-tsokaci-kan-shawarar-ziri-daya-da-hanya-daya-Murtala.m4a

A yayin taro na biyu na majalisar wakilan jama'ar kasar Sin karo na 13 wanda aka kaddamar kwanan baya a birnin Beijing, firaministan kasar Sin Li Keqiang ya gabatar da rahoton aikin gwamnati na bana, inda ya jaddada muhimmacin karfafa hadin-gwiwa tare da kasashen duniya don kara aiwatar da shawarar 'ziri daya da hanya daya ' wato Belt and Road Initiative a turance da shugaban kasar Sin Xi Jinping ya gabatar.

Game da wannan batu, wakilinmu Murtala Zhang ya tuntubi Dr. Sheriff Ghali Ibrahim, malami dake koyarwa a fannin kimiyyar siyasa da alakar kasa da kasa a jami'ar Abuja, tarayyar Najeriya, don jin ta bakinsa kan yadda Najeriya da sauran kasashen Afirka za su hada kai tare da kasar Sin a fannin aiwatar da shawarar 'ziri daya da hanya daya'.