in Web hausa.cri.cn
ShigaZaman RayuwaAfirka a YauSin Ciki da WajeAmsoshin TambayoyiWasannin Motsa JikiChina ABC::: TSOHO :::
An kawo karshen shawarwarin tattalin arziki da ciniki tsakanin Sin da Amurka
2019-02-01 11:15:01 cri
Daga ranar 30 zuwa 31 ga wata, an gudanar da shawarwari kan tattalin arziki da cinikayya a tsakanin tawagogin Sin da Amurka a birnin Washington, a karkashin jagorancin Mr.Liu He, mamban ofishin siyasa na kwamitin kolin jam'iyyar kwaminis ta kasar Sin, wanda kuma shi ne mataimakin firaministan kasar da ma jagoran wannan shawarwari daga bangaren kasar Sin, da kuma Robert Lighthizer, wakilin kasar Amurka kan harkokin cinikayya.

Bisa ga daidaiton da shugabannin kasashen biyu suka cimma a yayin ganawarsu a kasar Argentina, sassan biyu sun tattauna batutuwan da suka jawo hankalin kasar Sin, ciki har da daidaita ciniki da musayar fasahohi da kariyar hakkin mallakar ilmi, da shingayen ciniki da ba na kudin kwastan ba, da aikin gona da sauransu, inda suka samu muhimmin sakamako. Ban da haka, sassan biyu sun kuma tabbatar da lokacin da za a gudanar da shawarwari na gaba.

Sassan biyu sun maida matukar muhimmanci a kan batun kare hakkin mallakar ilmi da musayar fasahohi, kuma sun amince da kara inganta hadin gwiwa a tsakaninsu. Samar da yanayin kasuwanci mai adalci ya dace da manufar kasar Sin ta bude kofa, don haka, kasar Sin zata maida hankali kan kulawar da kasar Amurka ta nuna.

Baya ga haka, bangarorin biyu sun kuma amince da daukar matakai na inganta daidaiton ciniki a tsakaninsu. Kasar Sin zata kara shigo da amfanin gona da kayayyakin makamashi da na masana'antu da hidimomi daga kasar ta Amurka, don biyan bukatunta na kara samun ingancin ci gaban tattalin arziki da kuma kyautata rayuwar jama'a. (Lubabatu)

Labarai masu Nasaba
Ra’ayoyinku
  Webradio
Saurare (GMT 11:30pm - 12:30pm)
Bayanai da Dumi-dumi
© China Radio International.CRI. All Rights Reserved.
16A Shijingshan Road, Beijing, China