Hukumar samar da wutar lantarki ta kasar Uganda (UEGL)ta bayyana cewa, ana nan ana shirye-shiryen kaddamar da tashar samar da wutar lantarki bisa karfin ruwa ta Isimba a yankin tsakiyar kasar da ta ratsa kogin Nilu a ranar 24 ga watan Janairun da muke ciki.

Hukumar wadda ta bayyana hakan cikin wata sanarwa, ta ce a halin yanzu an yi kiyasin cewa, aikin gina tashar mai karfin Megawatt 183 ya kai kaso 98.5 cikin 100.

Tun a shekarar 2015 ne dai aka fara aikin gina tashar, bayan da kasar Uganda ta samu rancen kudi daga bankin shigi da fici na kasar Sin, a wani mataki na magance matsalar wutar lantarki da kasar ke fuskanta, matsalar da kwararru suka ce tana shafar ci gaban tattalin arzkin kasar.(Ibrahim)