A dab da cika shekaru 40 da kulla huldar diplomasiyya a tsakanin Sin da Amurka, a jiya Talata, an wallafa wani jawabi na jakadan kasar Sin da ke Amurka Mr.Cui Tiankai, mai taken "bunkasa huldar da ke tsakanin Sin da Amurka, kiyaye moriyar bai daya a tsakanin al'ummar kasashen biyu" a jaridar "USA Today".

Jawabin ya yi nuni da cewa, a cikin shekaru 40 da suka gabata, ci gaban huldar da ke tsakanin kasashen biyu ya samar da nasara ga juna tsakanin kasashen biyu, kana hakan ya taimaka wajen kiyaye zaman lafiya da ci gaba a duniya. Jawabin ya kuma kara da cewa, moriyar bai daya ta wuce sabani dake tsakanin kasashen biyu, kuma hadin gwiwa da juna shi ne zabi daya kacal gare su.

Ya ce a sabon yanayin da ake ciki, kasashen biyu suna fuskantar rashin tabbas a huldarsu, kuma idan an hangi shekaru 40 masu zuwa, ya kamata jama'ar kasashen biyu su tabbatar da makomar huldar kasashen na su.