Darektan sashen kula da labaran tattalin arziki na jaridar Ｓｕｄａｎ　Ｖｉｓｉｏｎ　Ｄａｉｌｙ Mohammed Abdalla, wanda yanzu haka yake halartar taron dandalin Hongqiao na tattaunawar harkokin hada-hadar kudi da tattalin arziki tsakanin 'yan jarida da kwararru, ya bayyana jiya Litinin a birnin Shanghai cewa, bikin baje kolin kayayyakin da ake shigo da su kasar Sin, kasaitaccen biki ne ta fannin tattalin arziki da cinikayya, wanda ba a taba ganin irinsa ba, kuma yana fatan bikin zai taka muhimmiyar rawa a fannin inganta dunkulewar tattalin arzikin duniya da kuma ciniki maras shinge.

Ya kara da cewa, "A jawabin da shugaban kasar Sin Xi Jinping ya gabatar, ya yi kira ga kasa da kasa da su hada karfinsu, don samar da 'yancin yin ciniki, tare da nuna rashin amincewa da manufar kariyar ciniki da kuma tsarin yin gaban kai. Ya ce a ganinsa, dunkulewar kasashen duniya baki daya abu ne da zai amfana wa kasa da kasa, sai dai akwai 'yan tsirarrun kasashen da suke kyamarta tare da neman janye jikinsu."

Mohammed Abdalla ya kuma ce, bikin baje kolin da ake gudanarwa yanzu da ma sauran matakan da kasar Sin ta dauka na bude kofarta, sun bayyana niyyar kasar ta inganta harkokin ciniki cikin yanci a duniya da ma samar da sauki ga harkokin da suka shafesu, Ya na mai fatan tattalin arzikin kasar Sudan ma zai amfana.(Lubabatu)