'Yan majalissun dokokin kasar habasha, sun zabi Sahle-Work Zewde, a matsayin shugabar kasa, biyowa bayan murabus din shugaba Mulatu Teshome a Alhamis din nan.

Sakamakon zaben na ta, Zewde ta zamo mace ta farko da za ta shugabanci kasar dake gabashin Afirka. Tuni dai shugaba Zewde ta sha rantsuwar kama aiki a yau, gaban mambobin majalissun dokokin kasar biyu.

Cikin jawabin ta, ta yi alkawarin yin iyakacin kokarin, ta wajen bautawa kasar ta da al'ummar ta.