in Web hausa.cri.cn
ShigaZaman RayuwaAfirka a YauSin Ciki da WajeAmsoshin TambayoyiWasannin Motsa JikiChina ABC::: TSOHO :::
EU ta yi alkawarin taimakawa Iran game da takunkumin man fetur da Amurka ta sanya mata
2018-08-20 11:00:44 cri
Mataimakin shugaban kasar Iran na farko, Es'haq Jahangiri, ya ce Tarayyar Turai EU, ta yi alkawarin daukar mataki kafin takunkumin sayen man fetur daga Iran da Amurka ta sanya, ya fara aiki a watan Nuwamba.

Gidan talabijin na Press TV ya ruwaito mataimakin shugaban kasar na cewa, kasashen Turai sun yi alkawarin ne a wani yunkuri na rage asarar da Tehran ka iya yi.

A cewar Es'haq Jahangiri, kawo yanzu, takunkuman na Amurka ba su shafi kasashen Turai a fannin tattalin arziki ba, musammam ma game da saye da cinikayyar man fetur.

Ya ce tasirin takunkumin bai yi muni sosai ba, duk da tafiyar wasu kamfanoni masu zaman kansu, musammam na Turai.

A ranar 6 ga watan Agusta ne Shuagaban Amurka Doonald Trump, ya rattaba hannu kan umarnin sanya zagayen farko na Takunkumi a kan Iran domin dorawa kasar matsin tattalin arziki, wanda a baya aka janye karkashin yarjejeniyar nukiliyar kasar ta 2015. (Fa'iza Mustapha)

Labarai masu Nasaba
Ra’ayoyinku
  Webradio
Saurare (GMT 11:30pm - 12:30pm)
Bayanai da Dumi-dumi
© China Radio International.CRI. All Rights Reserved.
16A Shijingshan Road, Beijing, China