in Web hausa.cri.cn
ShigaZaman RayuwaAfirka a YauSin Ciki da WajeAmsoshin TambayoyiWasannin Motsa JikiChina ABC::: TSOHO :::
An bude bikin raye-rayen gargjiya na Afrika a Rwanda
2018-07-30 09:23:42 cri
An bude bikin raye-rayen gargajiya na Tarayyar Africa wato FESPAD, jiya Lahadi a filin wasanni na Amahoro dake Kigali babban birnin Rwanda.

Bikin na yini 5 da zai gudana har zuwa ranar 3 ga watan Augusta, zai samu mahalarta daban-daban daga kasashe mambobin Tarayyar Afrika AU.

Mahalarta daga kasashen da suka hada da Rwanda da Burkina Faso da Jamhuriyar Demokradiyyar Congo da Senegal ne za su gudanar da wasanni a garuruwa daban-daban na Rwanda kafin rufe bikin a lardin Nyanza dake kudancin kasar.

Nahiyar Afrika na da albarkar al'adun gargajiya daban-daban da za a iya amfani da su wajen karfafa dunkulewarta da samar da zaman lafiya da hadin kai tsakanin kasashe mambobin AU, Angela Martins, wakiliyar tarayyar Afirka ta fadi haka ne a wajen bikin.

Tarayyar AU ce ta kirkiro da bikin na FESPAD a shekarar 1998, da nufin hada kan al'ummar nahiyar da kuma inganta dabi'ar zaman lafiya ta hanyar raye-rayen gargajiya na nahiyar. (Fa'iza Mustapha)

Labarai masu Nasaba
Ra’ayoyinku
  Webradio
Saurare (GMT 11:30pm - 12:30pm)
Bayanai da Dumi-dumi
© China Radio International.CRI. All Rights Reserved.
16A Shijingshan Road, Beijing, China