Jama'a masu sauraro, assalamu alaikum, barkanmu da sake kasancewa a cikin sabon shirinmu na "Allah daya gari bamban", shirin dake zuwa muku kai tsaye daga nan sashen Hausa na gidan rediyon kasar Sin tare da ni Jamila, to a yau zamu yi muku bayani kan manyan sauye-sauyen da suka faru a birnin Shenzhen na lardin Guangdong dake kudancin kasar Sin tun bayan da gwamnatin kasar Sin ta fara aiwatar da manufar yin gyaran fuska a gida da bude kofa ga kasashen ketare a shekaru 40 da suka gabata, musamman ma a fannin kirkire-kirkire, wanda ya fi jawo hankalin 'yan kasuwa. (Jamila)