Ministan harkokin waje na kasar Sin Mista Wang Yi ya bayyana a yau a nan birnin Beijing cewa, Sin na fatan shugabannin Koriya ta arewa da Amurka za su amince da juna su kawar da sabanin dake tsakanisnu don daukar matakin da ya dace tare da cimma matsaya daya wajen ganin kawar da makaman nukiliya a zirin Koriya. Su kuma yi kokarin bullo da matakan wanzar da zaman lafiya a zirin. Mista Wang ya kara da cewa, yana fatan bangarori masu ruwa da tsaki su yi kokari kan wannan lamarin, ya kuma jaddada cewa, kasar Sin za ta ci gaba da taka muhimmiyar rawa kan wannan batu. (Amina Xu)