in Web hausa.cri.cn
ShigaZaman RayuwaAfirka a YauSin Ciki da WajeAmsoshin TambayoyiWasannin Motsa JikiChina ABC::: TSOHO :::
Capoeira: wani wasan da ya hada fasahar fada da ta rawa
2018-05-29 08:28:08 cri

A karni na 16, 'yan mulkin mallaka na kasar Portugal sun mallaki nahiyar Amurka ta Kudu, sa'an nan sun sayi wasu bayi a nahiyar Afirka da yawa, sun kai su nahiyar Amurka ta Kudu, inda suka taimakawa raya aikin gona a wurin. Yawancin bayin da aka yi jigilar su zuwa Amurka ta Kudu, ko kuma mu ce kasar Brazil ta yanzu, sun zo ne daga yankunan da suka kasance Angola, Kongo, Mozambique na yanzu. Wadannan bayi sun isa Brazil tare da addininsu da al'adunsu, sai dai zama karkashin mulkin mallaka ya hana su gudanar da ayyukansu yadda suke bukata. Wannan yanayin da ake ciki ya sanya bayi 'yan Afirka suka kirkiro fasahar Capoeira. A lokacin ana ganin yadda suke nuna fasahohin wasan a matsayin wata rawa mai alaka da ayyukan addini, amma a hakika suna amfani da wasan ne wajen gwada fasahohin fada, da horas da kansu, da nufin fada da sojoji 'yan mulkin mallaka, lokacin da ake da bukata.

Wasan Capoeira ya fara gama gari tsakanin bayi 'yan Afirka ne lokacin da sojojin kasar Netherland suka kai hari ga yankin Brazil tsakanin shekarar 1624 zuwa ta 1630. A lokacin bayi da yawa sun tsira daga gandun noma da aka ajiye su, suka shiga cikin kungurmin daji, inda suka kafa wasu kauyuka, suka zama mutane masu 'yanci a can. Domin tinkarar hare-haren da 'yan mulkin mallaka na Portugal suka dinga kai musu, jama'ar da suka zauna a cikin wadannan kauyukan da aka kafa cikin daji sun yi kokarin koyon fasahar Capoeira. Ta wannan hanya sun samu damar kyautata fasahar wasan fadan, inda ya fara zama wata fasahar fada mai karfi.

Bayan da aka 'yantar da bayin kasar Brazil a shekarar 1888, wasu bayin da suka samu 'yanci sun shiga cikin manyan biranen kasar, tare da fasaharsu ta Capoeira. Sai dai wasunsu sun shiga gungun 'yan baragurbi, da yin amfani da Capoeira wajen aikata laifi, lamarin da ya sa aka dade ana hana koyon fasahar Capoeira, har zuwa shekarun 1930, lokacin da aka fara kallon Capoeira a matsayin wani wasa na motsa jiki.(Bello Wang)

Labarai masu Nasaba
ga wasu
v Wasan tsalle cikin ruwa 2018-05-11 06:45:41
v Darasi na motsa jiki  2018-04-24 15:19:01
v Wasan Tsalle  2018-04-01 11:16:38
v Dan wasan kwallon damben kasar Kenya ya sha alwashi yin galaba a gasar Commonwealth 2018-03-15 14:43:59
Ra’ayoyinku
  Webradio
Saurare (GMT 11:30pm - 12:30pm)
Bayanai da Dumi-dumi
© China Radio International.CRI. All Rights Reserved.
16A Shijingshan Road, Beijing, China