Kasar Ghana na samar da bolar robobi kusan ton 22,000 a kowacce shekara, amma kuma kaso 2 daga ciki ne kawai ake sake sabuntawa. Inda sauran ke bazuwa a filaye da hanyoyin ruwa da sauran wurare, al'amarin dake gurbata muhalli.

Saboda rage mummunan tasirin robobin, wani kamfanin kasar Ghana ya bullo da wata hanya ta sarrafa bolar robobin zuwa bulon kawata dabe na interlock da sauran kayakin gini.

Kamfanin Nelplast ya ce kayakin da yake samarwa sun kunshi kaso 60 na robobi, yayin da kasa ya mamaye sauran kaso 40, ba tare da amfani da siminti ba ko kadan, wanda ake ganin ya fi wanda aka saba yi karfi.

Ana sayar da bulo daya na kamfanin kan dala 1 wanda ya fi sauki akan matsakaicin farashin 1.5 da ake sayar da bulo mai siminti. (Fa'iza Msutapha)