in Web hausa.cri.cn
ShigaZaman RayuwaAfirka a YauSin Ciki da WajeAmsoshin TambayoyiWasannin Motsa JikiChina ABC::: TSOHO :::
An rufe taron kasa da kasa kan batun Syria
2018-04-26 16:57:07 cri
A jiya Laraba, aka rufe taron kasa da kasa kan batun Syria da aka shafe tsawon kwanaki biyu ana yi a birnin Brussels, inda mahalarta taron suka amince da samar da dala biliyan 4.4 a shekarar 2018 don samar da gudummawar jin kai ga kasar ta Syria.

Kungiyar tarayyar Turai da MDD ne suka shirya taron tare, kuma wakilan da suka fito daga kasashe da kungiyoyin duniya 85 ne suka halarci taron. A yayin bikin bude taron, babbar wakiliyar kungiyar tarayyar Turai mai kula da manufofin diplomasiyya da tsaro, ta yi kira ga bangarori masu ruwa da tsaki da su koma teburin shawarwari, don cimma wani shiri na daidaita matsalar Syria a siyasance.

Babban sakataren MDD Antonio Guterres ya gabatar da jawabi ta kafar bidiyo, inda ya yi nuni da cewa, ya zuwa yanzu yakin Syria ya haifar da barazana ga kwanciyar hankalin shiyyarta, da ma duniya baki daya. Ya ce, zai ci gaba da tuntubar mambobin MDD, don gano bakin zaren warware matsalar bisa kuduri mai lambar 2254, na kwamitin sulhun MDD da kuma sanarwar Geneva. (Lubabatu)

Labarai masu Nasaba
Ra’ayoyinku
  Webradio
Saurare (GMT 11:30pm - 12:30pm)
Bayanai da Dumi-dumi
© China Radio International.CRI. All Rights Reserved.
16A Shijingshan Road, Beijing, China