Kungiyar Petro de Luanda ta kasar Angola, ta zamo zakara a gasar wasan kwallon hannu ta mata ta Afirka ta shekarar 2018 din nan, bayan da ta doke kungiyar 1º de Agosto da ci 23 da 19 a wasan karshe da aka gudanar a Lahadi a birnin Alkahiran kasar Masar.

Wadannan kungiyoyin biyu na kasar Angola, sune suka jima suna lashe kofin wannan gasa a nahiyar Afirka a 'yan shekarun baya bayan nan.

Kungiyar Petro de Luanda ta cimma nasarar daukar kofin ne a shekarun 2008 zuwa 2014, kuma kungiyar 1º de Agosto ta cimma zakara a wasan a shekarar 2015 zuwa 2017.

Kungiyar Petro de Luanda ta doke kungiyar Abo Sport a wasan kusa da na karshe, kuma kungiyar 1º de Agosto ta doke kungiyar FAP ta kasar Camaron da ci 26 da 17 a wasan kusa da na karshe. (Zainab)