Bisa ga sakamakon da hukumar zaben kasar ta ayyana, Samura Kamara, dan takarar jam'iyyar APC mai mulkin kasar ya samu kuri'u kimanin 1,082,748, wanda yayi daidai da kashi 42.7 bisa 100 na jimillar kuri'un da aka kada, yayin da mai kalubalantarsa Julius Maada Bio, na babbar jam'iyyar adawa ta (SLPP) ya samu kuri'u 1,097,482, ko kuma kashi 43.3 bisa 100 na yawan kuri'un da aka kada.
A ranar 7 ga watan nan na Maris ne aka gudanar da babban zaben kasar ta Saliyo. Jam'iyyun siyasa 6 ciki har da jam'iyya mai mulkin kasar APC da kuma babbar jam'iyyar adawa ta SLPP ne suka fafata a zaben.