Daraktan tallace tallace na kamfanin Xu Rong, ya ce yarjejeniyar za ta taimakawa gwamnatocin Afirka, da ma sauran sassa na duniya, da wata dama ta fara raba kasashen su da ababen hawa masu fidda hayaki mai gurbata muhalli.
Mr. Xu ya ce hukumar ta MDD na shirin zabar kasashe 8 da za a fara gwajin wannan shiri da su nan gaba cikin wannan shekara ta 2018. Ya ce
baya ga shirin samar da horo, wakilai daga gwamnatocin kasashen Afirka, za su samu dama ta ziyartar helkwatar kamfanin na TAILG, don ganewa idanun su yadda yake gudanar da ayyukan sa.
Kamfanin TAILG dai shi ne na daga cikin jerin kamfanonin dake kera ababen hawa masu amfani da lantarki da ke kan gaba a nan kasar Sin, wanda kuma ke kera Babura da kekuna, da Babura na musamman, da kuma masu kafafu 3, wadanda dukkannin su ke amfani da lantarki.