Wani rahoto da cibiyar nazarin harkokin yawon shakatawa ta kasar Sin tare da hadin gwiwar hukumar shirya tafiye-tafiye ta shafin intanet wato Ctrip suka fitar, ya nuna cewa,a shekarar 2017 da ta gabata Sinawa masu yawon shatakawa sun yi tafiye-tafiye miliyan 130 zuwa kasashen waje, inda suka kashe kudaden da suka kai dala biliyan 115.

Wadannan alkaluma a cewar wannan rahoto an samu karuwar da kaso 7 cikin a fannin tafiye-tafiye da kuma karuwar kaso 5 cikin 100 kan kudaden da ake kashewa bisa shekarar da ta gabace ta.

A cewar hukumar kula da harkokin yawon shakatawa ta MDD, adadin masu bulaguro a duniya zai haura biliyan 1.8 nan da shekarar 2030. Ana kuma ganin kasuwar harkokin yawon shakatawar kasar Sin za ta kasance mafi saurin bunkasa a duniya kana za ta taka muhimmiyar rawa wajen raya bangaren na yawon shakatawa.(Ibrahim)