Kakakin ma'aikatar tsaron kasar Sin, Ren Guoqiang, ya fada a yau Lahadi a birnin Beijing, fadar mulkin kasar Sin cewa, gwamnatin Sin ta ki yarda da wani rahoton da gwamnatin kasar Amurka ta gabatar dangane da batun nukiliya.

A cewar jami'in kasar Sin, cikin rahotonta, kasar Amurka ta yi shaci-fadi kan burin kasar Sin a fannin raya kasa, kana ta shafawa kasar Sin kashin kaji game da cewa yadda kasar ta mallaki makaman nukiliya barazana ce ga Amurka. Dangane da furucin kasar Amurka, jami'in ya ce, kasar Sin tana tsayawa tsayin daka kan manufarta na samun cigaba cikin zaman lafiya, kana kasar tana tsara manufarta na harkokin soja ne bisa buri daya, wato don kare kai.(Bello Wang)