Kakakin ma'aikatar harkokin waje ta kasar Sin Hua Chunying ta ce, Sin na fatan sassa masu ruwa da tsaki, za su yi kokarin sassauta halin da ake ciki a zirin Koriya, tare kuma da maido da batun nukiliyar zirin Koriya a teburin shawarwari.

Kakakin ta fadi haka ne a taron manema labarai da aka yi a yau Laraba a nan birnin Beijing.

Ta kuma jaddada cewa, har kullum Sin na aiwatar da kudurin kwamitin sulhu na MDD a game da zirin Koriya yadda ya kamata, musamman ma tanade-tanaden da suka shafi abubuwan da kudurin ya haramta. (Lubabatu)