Shugaban kungiyar 'yan jaridun Nijeriya Abdulwaheed Odusile, ya ce ayarin 'yan jarida biyu daga gidajen talabiji da wasu ayarin biyu na gidajen jaridun kasar ne suka zo birnin Beijing domin daukar rahoton babban taron wakilan Jam'iyyar Kwaminis ta kasar Sin(CPC) karo na 19.

Abdulwaheed Odusile, ya ce Kasashen Nijeriya da Sin na kara zama abokan hulda na kut-da-kut, kuma kasar Sin ta taimaka sosai wajen aikin gine-gine a kasar, a don haka, ya ce ya kamata su zo daukar rahoton wannan muhimmin taro.

Ya ce 'yan jaridar kasashen yamma na bada labarai barkatai akan kasar Sin, amma su a nasu bangare, su na son rubuta na su labarin ta hanyar halartar taron da kansu. (Fa'iza Mustapha)