Kwamitin sulhu na MDD, a ranar Litinin yayi Allah wadai da harin ta'addanci da aka kaddamar a Ouagadougou, babban birnin kasar Burkina Faso, wanda ya yi sanadiyyar mutuwar mutane 18.

Kasar Faransa da wasu kasashen Afrika 5 da suka hada da Burkina Faso, Chad, Mali, Mauritania da Nijer, a watan da ya wuce suka cimma matsaya na kaddamar da runduna ta musamman mai yaki da 'yan tada kayar baya masu tsattsauran ra'ayi a yankin Sahel. (Ahmad)