Rahotanni daga lardin Sichuan na kasar Sin na cewa, yawan mutanen da suka gamu da ajalinsu sanadiyyar girgizar kasa mai karfin maki 7.0 da ta aukuwa lardin a daren jiya Talata ya karu zuwa 19, kana wasu 247 sun jikkata yayin da mutane 40 kuma suka ji rauni mai tsannani.

Cibiyar kula da girgizar kasa ta kasar Sin ta bayyana cewa, girgizar kasar ta aukuwa yankin Jiuzhaigou ne da misalin karfe 9.19 na dare agogon kasar Sin, kuma zurfinta ya kai kilomita 20.

Mahukuntan kasar Sin dai sun yi kiran da a dauki dukkan matakan da suka dace na samar da agaji da aikin ceto ga wadanda lamarin ya shafa.

Ma'aikatan agaji na taimakawa masu yawon bude ido da suka makale a wurin yawon shakata mai korama da jama'a ke son ziyararta na Jiazhaigou. Yanzu haka hukumomin sun riga sun kwashe sama da masu yawon shakatawa 45,000, domin sake musu matsuguni.

Hedkwatar rage radadin girgizar kasa ta lardin ta bayyana cewa, sama da ma'aikata 800 ne suke karade kauyuka don neman wadanda suka makale sakamakon wannan bala'i.(Ibrahim)