Manyan jagororin kasar Sin, ciki hadda shugaban kasar Xi Jinping, sun halarci taron baje kolin kayan ayyukan soji da ya gudana yau Juma'a, taron da aka shirya musamman, domin cika shekaru 90 da kafuwar rundunar sojin 'yantar da al'ummar kasar Sin ta PLA.

Da yake jawabi yayin bikin, shugaba Xi, wanda kuma shi ne babban sakataren jami'iyyar kwaminis mai mulkin kasar Sin, kana shugaban kwamitin tsakiya na rundunar ta PLA, ya yi kira da a kara azama, wajen tabbatar da dorewar rundunar sojoji da za ta zamo a sahun gaba, tsakanin rundunonin sojojin kasashen duniya.