Mukaddashin shugaban Najeriya Yemi Osinbajo ya bayyana cewa, shugaba Muhammadu Buhari dake jinya a Burtaniya yana samun sauki sosai, kuma nan ba da dadewa ba zai dawo gida.
Osinbajo ya bayyana hakan ne ga manema labarai yau da safe a Abuja, fadar mulkin kasar, kafin ya jagoranci taron majalisar zartarwar kasar.
A jiya ne dai Osinbajo ya yi tattaki zuwa Burtaniya don ya gana da Buhari. Tun a ranar 7 ga watan Mayu ne Buhari ya bar Najeriya zuwa Burtaniya don likitocinsa su duba lafiyarsa.(Ibrahim)
