A yankin kiyaye muhalli na Zecha dake garin Xicang na gundumar Luqu ta jihar kabilar Zang mai zaman kanta，wadda ke Gannan ta lardin Gansu, akwai wani kyakkyawan kauye mai suna Gongquhu.
A shekarar 2012, dan jam'iyyar Kwaminis ta kasar Sin Gongbao Zhaxi da dansa suka fara karbar baki a gidansu, inda suka zama iyali na farko da ya raya sha'anin yawon shakatawa a gida.
Tare da ci gaban yunkurin raya sha'anin yawon shakatawa a wurin, kauyen Gongquhu ya fara kyautata yanayin da yake ciki, bisa tsarin kauye na zamani.
Yanzu, bisa jagorancinsa, iyalai 12 a cikin kauyen sun kafa kamfanin bunkasa sha'anin yawon shakatawa a gidajensu, da kiwon dabbobi. Masu yawon shakatawa suna iya zama a can, domin samun fahimtar al'adun kabilar Zang yadda ya kamata.(Fatima)
