Wakilin kasar Sin ya yi kira da a kara magance rikici don ba da kariya ga fararen hula
A jiya Alhamis ne, zaunannen wakilin kasar Sin a MDD, Liu Jieyi ya yi kira da a kara karfin magance rikice-rikice da ma daidaita su, don ba da kariya ga fararen hula da ma'aikatan lafiya da ma na'urorin tsaro daga barazana.
Liu ya bayyana hakan ne yayin taron da kwamitin sulhun MDD ya kira kan batun kare fararen hula da ma'aikatan lafiya da kuma na'urorin tsaro a yayin rikice-rikice. Ya kuma bayyana cewa, Sin na goyon bayan gamayyar kasa da kasa su dauki kwararan matakai, don ba da kariya ga fararen hula da ma'aikatan lafiya da ma na'urorin tsaro.(Lubabatu)
