Yau shirin In Ba Ku Ba Gida yana farin cikin gayyato wata bakuwa mai suna Injiniya Ramatu Aminu Ahmad, shugaba mai barin gado ta kungiyar injiniyoyi mata a Kano da ke Tarayyar Najeriya.

A tattaunawarta da wakiliyarmu Amina Murtala, ta bayyana tarihin rayuwarta, da kuma kungiyarta ta injiniyoyi mata da ke Kano. Inda kuma ta jaddada muhimmancin kara kwarin gwiwar mata wajen sa hannu cikin aikin kimiyya da fasaha, sa'an nan ta ba da shawara kan hanyoyin da ya kamata a bi domin cimma wannan buri. (Kande Gao)