Pan Jianwei, babban masani a jami'ar nazarin kimiyya da fasaha ta kasar Sin ya sanar yau Laraba a birnin Shanghai dake nan kasar Sin cewa, masanan kimiyya na kasar Sin sun yi nasarar kera wata sabuwar na'urar lissafi ta zamani wadda ta dara na'urori masu kwakwalwa na yau da kullum da aka saba amfani da su.

Wani gwajin lissafi da aka yi ya shaida cewa, sabuwar na'urar lissafin tana da saurin da ya dara na sauran na'urorin da aka yi gwajinsu a sauran kasashen duniya sauri har a kalla sau dubu 24.

Pan Jianwei ya kara da cewa, wannan sabuwar na'urar da aka kera ta shaida ci gaban da kasar Sin ta samu a wannan fanni, lamarin da ya aza harsashi mai inganci ga tabbatar da kwarewar harkar lissafi da za ta zarce na gargajiya. (Lubabatu)