Shugaban sashen ayyuka na ofishin kula da agajin jin kai na MDD John Ging, ya ce yankin arewa maso gabashin Afrika na fuskantar rikici da ka iya jefa kasashen Somali da Sudan cikin matsanancin karancin abinci.

John Ging, ya ce yayin da Somalia ke tunkarar matsalar a yanzu, Sudan ta kudu ba ta iya wa.

Jami'in ya bayyana haka ne jiya Talata a hedkwatar MDD dake birin New York, lokacin da yake yi wa manema labarai bayani game da rangadin gaggawa da ya kai kasashen.

Ya ce matsalar karancin abinci ta yi kamari a kasashen, ya na mai cewa kimanin mutane miliyan 6.2 ne ke bukatar agajin jin kai a Somalia, kuma saboda rikici da ake fama da shi, an samu barkewar cutar amai da gudawa, inda mutane 25,000 suka kamu da ita. (Fa'iza Mustapha)