Shugaban kasar Sin Xi Jinping, ya yi kira ga ma'aikatun gwamnati da sassa daban da daban, da su kara azama wajen aiwatar da sauye sauye, kana a rubanya sanya idanu, don gano tare da magance matsaloli yadda ya kamata.

Shugaba Xi, wanda shi ne kuma babban sakataren kwamitin koli na JKS, kuma shugaban hukumar ayyukan sojin kasar Sin, ya yi wannan kira ne a Talatar nan, yayin da yake jagorantar taro na 34, na rukunin sassa dake aikin tabbatar da wanzuwar sauye sauye na kasar Sin. (Saminu Hassan)