Mansur Dan-Ali ya ce sojoji sun lalata hedkwatar Kungiyar, amma suna tsammanin shugaban kungiyar ya buya a wani wuri cikin dajin Sambisa, wanda a yanzu dakaru ke kokarin mamayewa.
Ya ce nan bada jimawa ba sojoji dake binciken inda ya ke a dajin, za su kai ga cafke shi.
Rundunar sojin Nijeriya dai ta sanar da mutuwar Shekau har sau biyu a shekarar 2014.
Abubakar Shekau ya sha fitar da faya-fayen bidiyo, inda yake ikirarin ya na raye, tare da barazanar kara kai muggan hare-hare a kasar.
Sai dai, rundunar ta ce an tabbatar da cewa fayafaye ba sahihai ba ne, domin an yi musu gyaran fuska. (Fa'iza Mustapha)
