A kalla mutane 455 ne suka kubuta daga hannun mayakan Boko Haram a shiyyar arewa maso gabashin Najeriya bayan da sojojin kasar suka yiwa mayakan 'yan ta'addan dirar mikiya a Litinin din da ta gabata.

Mai magana da yawun rundunar sojin kasar Sani Usman ya ce, an ceto mutane ne a a ranar Litinin a lardin Kala Balge dake jihar Borno, bayan da dakarun Najeriya suka kai samame a maboyar 'yan ta'addan bayan munanan hare-hare da dakarun sojin suka kaddamar kan 'yan ta'addan.

Sanarwar ta kara da cewa, tuni aka tura mutanen da aka ceto zuwa sansanonin 'yan gudun hijira a jihar ta Borno.

A cewar Usman 'yan ta'addan da dama sun yi kokarin kare kansu a lokacin da dakarun sojin suka afka musu a yankin na Kala Balge. (Ahmad Fagam)