Kasar Sin ta jawo jarin waje dala biliyan 489 da miliyan 420 a shekarar 2013 zuwa ta 2016
Ministan kasuwanci na kasar Sin Zhong Shan ya bayyana a jiya Litinin cewa, daga shekarar 2013 zuwa 2016, gaba daya kasar Sin ya jawo jarin waje da ya kai dalar Amurka biliyan 489 da miliyan 420, a yayin da jarin da aka zuba a sana'o'in fasahohin zamani ke karuwa da kashi 11.7% a kowace shekara.
A yayin taron da ma'aikatar kasuwanci ta kira a wannan rana dangane da harkokin jarin waje na shekarar 2017, Mr. Zhong Shan ya yi nuni da cewa, za a mai da hankali wajen bunkasa yankunan ciniki maras shinge na gwaji a shekarar 2017 tare da ci gaba da kyautata yanayin kasuwanci da sassan da ke shigo jarin waje da kuma hanyoyin shigo jarin waje, domin tabbatar da shigo karin jarin waje yadda ya kamata a shekarar 2017. (Lubabatu)
