A gobe ne ake saran shugaba Muhammadu Buhari na Najeriya zai sake jagorantar wata tawagar shugabannin kungiyar ECOWAS zuwa kasar Gambia, inda za su tattauna da shugaba Yahya Jammeh game da bukatar ganin ya mutunta kundin tsarin mulkin kasar ta hanyar mika mulki ba tare da wata matsala ba.

Ita dai wannan tawaga ta kunshi shugabar kungiyar ECOWAS Ellen Johnson-Sirleaf ta Saliyo, da shugaba Bai Koroma na Saliyo da tsohon shugaban kasar Ghana kana mai shiga tsakani a wannan takaddama John Mahama(The Guardina)

'Yan majalisun tarayyar Najeriya da ke shirin komawa bakin aiki a yau Talata, sun yi gargadin cewa, za su yi fito na fito idan har shugaba Muhammadu Buhari ya nace da yin gaban kan sa a tsarin kasafin kudin kasar.(Vanguard)