Lucky Irabor, shi ne kwamandan runduna ta musamman ta Lafiya Dole, ya shedawa taron manema labarai a Maiduguri babban birnin jahar Borno cewa, dakarun Najeriyar sun kubutar da mutanen ne a cigaba da farautar mayakan yan ta'adda dake shiyyar.
Yace sun ceto mutanen ne tun a ranar 23 ga watan Nuwamba.
Irabor, ya kara da cewa, a cigaba da sunturin da sojojin ke gudanarwa, sun samu nasarar damke wasu daga cikin mayakan na Boko Haram a lokacin da suke yunkurin tserewa daga maboyarsu a dajin Sambisa.
A ranar Lahadin data gabata ne, babban hafsan sojojin kasa na Najeriyar Tukur Buratai, ya umarci dakarun kasar dake aiki a shiyyar arewa maso gabashin kasar, dasu hanzarta kammala aikinsu na karshe na murkushe mayakan na Boko Haram.
