161130-Shirin-Ban-kwana-da-Mamane-Ada.m4a

A ranar 11 ga watan Disamban shekarar 2016 ne abokin aikinmu Mamame Ada daga Jamhuriyar Nijar zai ajiye aiki, bayan ya shafe shekaru bakwai yana aiki a sashen Hausa na gidan rediyon kasar Sin (CRI) wato daga watan Disamban shekarar 2009 zuwa watan Disamban shekarar 2016.

A iya tsawon shekaru bakwai din da ya shafe yana aiki a sashen Hausa, Mamane Ada ya gabatar da labarai da rahotanni da sauran shirye-shirye, kamar shirin Allah daya gari banban.

Mamane Ada mutum ne mai sha'awar al'adun gargajiya, wannan ya sa ya ke ziyartar wuraren kade-kade da raye-rayen Sinawa a duk inda ya samu kansa a sassan kasar Sin.

Sai ku kasance da mu a shirinmu na "Gani ya kori ji na musamman" na ban kwana da muka tattauna da shi. Daukacin ma'aikatan sashen Hausa na yi masa fatan alheri. (Ada,Ibrahim/Sanusi Chen)