Kakakin babban sakataren MDD Stephane Dujarric, a jiya Jumma'a ya tabbatar da cewa, MDD ta samu sakon da kasar Afirka ta kudu ta mika mata dangane da ficewa daga kotun hukunta manyan laifuka ta kasa da kasa wato (ICC), kuma Ban Ki-moon ya nuna takaicinsa game da wannan matakin da kasar ta dauka.

A gun taron manema labarai da aka shirya a wannan rana, Stephane Dujarric ya ce, bayan da ya samu wasikar, sashen kula da harkokin shari'a na MDD ya fara aiki a kan batun. Kasar Afirka ta kudu na daya daga cikin kasashen da suka fara rattaba hannu a kan yarjejeniyar Rome ta kafa Kotun hukunta manyan laifuffuka ta kasa da kasa. (Lubabatu Lei)