Keshi ya rasu ne cikin daren jiya Laraba sakamakon cutar bugun zuciya da kuma ciwon kafofi.
Marigayin shi ne mutumin da ya fi jimawa a matsayin kaftin din kungiyar wasan Najeriyar, kuma a lokacinsa ne kulub din kasar ya samu nasarar lashe lambobin yabo na cin kofin kasashen Afrika a shekarun 1994 da 2013.
A wata sanarwa shugaban Najeriyar Muhammadu Buhari ya bayyana Keshi a matsayin gwarzon dan wasan kwallon kafa kuma koci
Shi ma mataimakin shugaban Najeriyar Yemi Osinbajo ya mika sakon ta'aziyya ga iyalan marigayin, wanda ya rasu yana da shekaru 54 a duniya.
Shugaban majalisar dattijai Bukola Saraki, da ministan sufurin jiragen sama Hadi Sirika, da 'yan siyasa da dama sun bayyana alhinunsu game da rasuwar gwarzon dan wasan kana kocin kulon din kafan na Najeriya.
