A jiya Litinin ne, aka bude taron shekara-shekara na kungiyar kwadago ta duniya wato ILO karo na 105 a birnin Geneva da ke kasar Switzerland, taron da za a shafe kwanaki 12 ana yinsa, zai hallara kan jami'an gwamnatocin kasashe duniya da ma'aikatan kwadago da shugabannin kamfanoni sama da 5000 da suka fito daga mambobin kasashe 187 na kungiyar ILO.

Babban jami'in zartaswa na kungiyar ILO Guy Ryder ya bayyana a yayin bikin bude taron cewa, kasashen duniya sun shiga wani yanayi na kirkiro sabbin fasahohi, da samar da kayayyaki, da raya zaman rayuwa tare. Ya jaddada cewa, idan aka ci gaba da nuna halin ko'in kula game da rashin daidaito a duniya, babu shakka lamarin zai shafi kowa. Ryder ya yi kira ga kwamitin wakilan ma'aikata da shugabannin kamfanoni da na gwamnati da su yi kokarin kiyaye mutuncin aiki, don warware rikici ta hanyar samar da guraben aikin yi da sauransu.(Bako)