Yayin da mamba a majalisar ba da shawara game da harkokin siyasa na kasar Sin kuma babban mazayyanan harbar kumbo masu dauke da mutane na kasar Sin Zhou Jianping ke zantawa da wakilinmu, ya ce, daga watan Yuli zuwa watan Satumbar bana, Sin za ta harba sabon nau'in kumbo kirar Tiangong 2, kana za ta harba kumbo kirar Shenzhou 11 mai dauke da 'yan saman jannati guda 2, kuma za a harhada wadannan kumbo guda 2 a sararin samanniya, kuma 'yan saman jannati guda 2 za su dade a samanniya har na tsawon kwanaki 30.

A cikin shirin raya kasa na shekaru biyar-biyar karo na 13, an gabatar da cewa, za a mayar da aikin nazarin sararin samanniya a matsayin daya daga cikin manyan ayyuka guda 6 na muhimman ayyukan nazari da kasar Sin za ta yi game da yin kirkire-kirkire kan harkokin kimiyya da fasaha.

Zhou Jianping ya ce, daga tsakiyar shekarar bana zuwa watanni shidar farkon shekarar badi, Sin za ta gudanar da aikin gwaji kan tashar sararin samaniya game da harba kumbo mai dauke da mutane, don tantance fasahar kafa tashar sararin samaniya a nan gaba.(Bako)