Ofishin jakadancin Sin da ke kasar Afrika ta Kudu, da makarantar confucius da ke Pretoriya a ,kasar sun shirya taron koyar da al'adun bikin sabuwar shekarar Sinawa a ma'aikatar harkokin wajen kasar ta Afrika ta Kudu da ma'aikatar kula da cinikayya da masana'antu.

Bikin da aka yi tsakanin ranakun talata 2 ga wata da laraba 3 ga watan nan ya samu halartar manyan jami'ai sama da 90 da suka fito daga ma'aikatar harkokin waje da ma'aikatar cinikayya da masana'antu, da ma'aikatar sufuri, da hukumar kwastam da sauran hukumomi.

An kirkiro da sabbin tunani na shirya taron koyar da al'adu game da bikin sabuwar shekarar Sinawa, don kara fahimtar da mutane a sassan daban daban game da al'adun kasar Sin, ta yadda za a inganta tushen hadin gwiwar kasar Sin da Afrika ta Kudu.(Bako)